Urrizkain

Baigura eta Aretako mendirik altuenetatik arroil sakon batetik berezita, bada mendikate apalago bat Hegoaldean Azparren herrixkaren gainean amildu eta Iparraldean Garaioaraino jaisten dena. Bizkailuz da kateko mendirik garaiena, baina hegoalderantz joz askoz ere mendi interesgarriagoak aurkitzen ditugu. Inguruko zenbait mendi ez bezala, Urrizkain mendi harritsu eta ikuspegi zabal eta garbikoa dugu. Zenbait mapa eta argitarapenetan, nahasmen apur bat dago mendi honekin. Hurbileko Bozporron dagoen txartelontzi zaharrak ere "Urrizkain" dakar, baina oker dago: Diputazioaren takoak ez du zalantzarik uzten, Urrizkain 1212 metroko kotan dago.