Rutas: Oinez

Lurraldeak

Ibilbide mota

Enviado por inaxio el 2016, Diciembre 7 - 17:52.
Categorías Gipuzkoa
ABIAPUNTUA Urkizu
Esquema Urkizu - Lizarbakarra - Herniozabal - Uraitz - Aizpel - Ernio - Urkizu.

Herniozabalgo igoera eta aurreragoko ibilbidearen zati bat GRaren arrasto zuri-gorriei jarraiki egiten da gehienean. Arrasto honek ordea Aizpel gaina saihestu egiten du, beraz, tarte horretan, arrastoa utzi eta bizkarrean gora egin beharko dugu.

Zelatundik itzultzeko, berriz, beste GR bati jarraitu behar diogu zenbait kilometrotan, baina halako batean, bidegurutze batean, GRa utzi eta aldapan gora egin beharko dugu, Bidaniako bidea utzi eta Urkizu aldeko pistara igotzeko.

Enviado por inaxio el 2016, Noviembre 2 - 20:17.
Categorías Asparrena
ABIAPUNTUA Lezea (Ilarduia)
Esquema Lezea - Artzanegi - Umandia - Albeiz - Lezea

Lezearen inguruko aparkalekuetatik abiatu eta GRaren arrastoak jarraituko ditugu Mendebaldera, hariztiaren itzalean aurrera egiten duen basa-pista zabal batetik. Basotik atera eta larre eremu txiki batera helduko gara laster. Erne hemen, ze ez erraza arrasto egokia jarraitzea: IEra jotzen du eta harripila eta marka zuri-horiz markatuta dago. Hasiera honekin asmatuz gero errazago jarraituko dugu gora egin ahala, arrastoa nabarmena baita.

Enviado por inaxio el 2016, Octubre 19 - 19:59.
Categorías Gipuzkoa
ABIAPUNTUA Beunda parkea
Esquema Beunda - Añarri erreka - Iramendi - Atabarrate mt. - Allaitz Txiki - Allaitz - Imeleku - Aratz - Sandrati - Añabaso - Beunda.

Beundako aterpearen ingurutik Hegoaldera luzatzen den bizkarrari jarraitu eta mahaien artetik pasata puntu horiz markatutako arrastoa bilatu behar dugu lehendabizi, Añarri errekara jaisteko. Hura zurezko zubi baten gainetik gurutzatu eta puntu horizko arrastoa bilatu behar dugu beste aldean, pistara igo eta hari 50 bat metrotan behera jarraituz. Iramendiren igoerari ekingo diogu arrasto horren laguntzaz, pagadian gora.

Enviado por Jose el 2016, Octubre 12 - 11:48.
Categorías Galdakao, Lezama
ABIAPUNTUA Elorritxugane
Esquema Elorritxugane - Ganguren

Elorritxuganeko atsedenlekuko aparkalekua abiapuntu egokia da Gangureneko tontorrera haurrekin ibilalditxo bat egiteko. Aparkalekuaren ertzetik, Lezamara jaisten den errepidea gurutzatu, eta lurrezko bide bat hartu behar da. Bide hau, mendigaina jarraituz tontorrera gerturatzen da, Txorierrira ikuspegi ederra eskainiz, baina ez da tontorrera iristen. Ipar magaletik zeharkatzen du. Tontorrera joateko bide hau utzi eta honen ezkerrean metro gutxira igarotzen den errepidea hartu behar da. Tontorreko komunikazio antenetara doa errepide hau.

Enviado por Jose el 2016, Octubre 12 - 10:58.
Categorías Bakio, Maruri-Jatabe
ABIAPUNTUA

Jatara igotzeko biderik errazena izango da honako hau, ziurrenez. Bakio eta Armintza arteko errepidetik komunikazio antenetara iristen den bidea baliatzen du tontorrera gerturatzeko. Porlanezkoa da bide hau hasieran, eta kotxearekin nahiko gora igo daiteke. Atsedenlekua baino zertxobait gorago, ur depositu baten ondoan dagoen bidegurutze bat izan daiteke abiapuntu egokia.
Bide zabal honetatik gorantz jarraituz, laster desagertuko da porlana, hartxintxarrezko bide bihurtuz. Aldapa leuneko zuzengune batek Jatako bi tontorren arteko lepora eramaten du.

Enviado por inaxio el 2016, Octubre 9 - 22:00.
Categorías Nafarroa
ABIAPUNTUA Gorriti
Esquema Gorriti - Musaio - Urkieta

Musaioko tartea joanean nahiz itzuleran erraza da, bide zabal eta erosoetan barrena, baina Urkietako igoera nahiz gandorreko azken tartea zail xamarrak dira, bustia dagoenean kontuz ibili beharrekoak. Azken tarte horretan marka zuri-gorrien laguntza izango dugu, nahiz eta zaharkituta egon (2016ko urria).

Enviado por Jose el 2016, Marzo 31 - 19:53.
Categorías Mungia, Zamudio
ABIAPUNTUA Mirador de Laukariz urbanizazioa
Enviado por ietxaburu el 2015, Noviembre 15 - 21:35.
ABIAPUNTUA Saravillo
Esquema lehen eguna: Saravillo - Basa de la Mora - Armeñako aterpetxoa bigarren eguna: Armeñako aterpetxoa - Cotiella - Ereta de las Brujas - Santa Isabel - Saravillo

Pirineoen ardatz nagusitik kanpo egon eta 3.000 metrora ez iristeak, jende gutxiago ibiltzea dakar. Horrela, beti “hortxe” egon eta noizbait joan beharko nukeen mendia zen niretzat Cotiella. Eta azkenean, aurtengo udaran egun pare bateko zeharkaldia egin nuen bertan.

Zeharkaldia Saravillo herrian hasi nuen. Bertara iristeko, Bielsatik Ainsara doan errepidetik, Plan eta Gistain herrietara doan herrepidea hartu eta 5 bat kilometrora Saravillora desbideratzen dena hartu.

Enviado por ietxaburu el 2015, Noviembre 14 - 17:57.
ABIAPUNTUA
Esquema Chalet d'Iraty - Okabe - Saroberri- Mendibeltza - Txardeka - Arthanolatzegaina - Escaliers - Bagarkiak - Chalet d'Iraty

Chalet d’Iraty-n (1.000 m) hasiko dugu ibilbidea. Bertara iristeko, Donibane Garazitik aurrera, Burdinkurutzeta portua igo eta kilometro pare bat jarraitu hegoaldera.

Lehenengo igo nahi dugun tontorra Okabe (1.466 m) da. Horretarako, kilometro ta erdi eskas errepidetik jarraitu hegoalderantz Chalet Pedro atzean utzi arte eta eskuinetara (ekialdera) basotik gorantz GR-10 marrak jarraituko ditugu (marra hauek tontorra baino pixka bat beheragotik igarotzen dira).

Enviado por inaxio el 2015, Mayo 16 - 09:24.
Categorías Nafarroa
ABIAPUNTUA Lesaka
Esquema Lesaka - Nabaz - Amargungo lepoa - Gordoleako aisigunea - Agiña - Domiko lepoa - Mikelgorriko bidea - Biurrana - Lesaka

Ibilbideak G11 bidea jarraitzen du tarte luze batean, igoeran, eta bide garbiak eta zabalak jarraitzen ditu gainontzean. Halere, Lesaka aldera jaisterakoan, Biurrana aldean, arrastoak porlanezko bidea utzi eta lasterbide batzuetan behera egiten du. Bidea zakar xamarra da tarte horretan, errazago duzue porlanezko bidean behera jarraitzea.