Rutas: Oinez

Lurraldeak

Ibilbide mota

Enviado por Xabiaram el 2019, Julio 28 - 11:07.
Categorías Ameskoabarren
ABIAPUNTUA Urra
Esquema Urra-Mandabide-Krezmendi (1118m)-Mandabide-Krezmendi Hegoa-Larraitza-Urra

Arratsalde pasako mendi ibilaldia. 3 orduko iraupena.

Ibilbidea Urra herrian abiatzen da, herrira iritsi baino aurreko bihurgunean egia esan, autoa bidearen bazterrean utzi eta Iturriotz izeneko tokitik gora doan pistaren ondotik igoko gara Larraitza edo Mandabideko Leporaino. Igoera izugarri polita da pista ondoan badugulako ere bidezidor bat errekastoaren ibilbidea jarraitzen duena, hau jarraituz gero xarma du igoerak. Ia 300 metroko desnibela gaindituko dugu tarte honetan.

Enviado por ietxaburu el 2019, Junio 10 - 20:15.
ABIAPUNTUA
Esquema Brinkola-Biozkorna lepoa-Aloña mendikatea-Biozkorna-Brinkola

Brinkola herritxotik aurrera jarraituko dugu autoz, Barrendiola urtegiraino eta urtegiaren horma ondoan aparkatuko (544 m.). Horma zeharkatu gabe, urtegia ainguratzen duen pistatik abiatuko gara, urtegia eskuinetara dugula, 5/6 minutura, pista hau utzi eta ezkerretara gorantz doan bidea hartuko dugu. Bidea erosoa da eta eta hegoalderanzko norabidea jarraituko du 50 bat minutuz eraikin txiki bateraino (780 m.). Hemen erne. Eskuinetara gorantz eta ustez bide nagusia dena utzi eta eraikinaren atzealdetik ezkerretara eta maldarik gabeko bide zidor bat hartu behar da.

Enviado por Jose el 2019, Junio 1 - 07:19.
Categorías Orozko
ABIAPUNTUA Ubizar lepoa
Esquema Ubizar lepoa – Larreluze zutarria – Kurtzegan zutarria – Kolometa
Enviado por inaxio el 2019, Mayo 4 - 12:36.
Categorías Goizueta
ABIAPUNTUA Eskas (Oiartzun)
Esquema Eskas - Artikutza - Izu - Pagolleta - Bidango Gaña - Eskas.

Oso ibilbide ederra iruditu izan zait beti eta behin baino gehiagotan egin dut. Bidezidorretan barrena doa ia beti, basoan barrena gehienetan eta Artikutzatik Izuerako aldapa kenduta, zailtasun gutxiko bidea da. Bidea zaildu nahi izanez gero arrastoak bazterrean uzten dituen gainak ere bisitatu daitezke: Pagolleta, Bidango Gaña eta Bianditz bera.

Enviado por Xabiaram el 2019, Mayo 2 - 21:00.
Categorías Aramaio
ABIAPUNTUA Ibarra (Aramaio)
Esquema Ibarra-Amillondo/Kukutxeko Punta-IPIZTE/HIRUATXETA (1055m)-Lezeaga Lepoa-Ipiztekoarriaga-Ibarra

Arratsalde pasako mendi ibilaldia.

Txangoa Ibarra herrian abiatzen da eta Ibabeko Andra Maria baselizaren ondotik gora egiten dugu, baserri pare bat pasa eta pinudi basoan sartzen gara pista zabal batean Ipiztikoarriaga Lepora arte, malda eramangarria dago tarte honetan guztian, ia 400 metroko desnibela, azkenik Amillondo/Kukutxeko Punta (775m) zapaltzen dugu. Hona arteko bide 1 ordu.

Enviado por Xabiaram el 2019, Abril 27 - 12:46.
Categorías Baztan
ABIAPUNTUA Iñarbil
Esquema Iñarbil-Hautza-Elhorrietako Lepoa-Iñarbil

Arratsalde pasako mendi ibilaldia Euskal Pirineoetako handi batean, Hautza (1304m)

Ibilbidea Baztango Iñarbil herrian abiatzen da, hasierako etxaldeak pasa eta Hautzarako bidezidorra hartzen dugu, seinalatua dago. Igoera zuzen gorantz egiten da bidegurutzerik gabe mendiaren ertzetik gora. Malda handia dago, kontuan izan ia 1000 metroko desnibela gainditu behar dela, baina poliki hartuz ez du arriskurik. 2 orduko buruan tontorrean gaude.

Jeitsiera Elhorrietako Lepotik egin nuen, hemen harrespila soro handi bat ikusi daiteke.

Enviado por Xabiaram el 2019, Abril 27 - 11:54.
Categorías Baztan
ABIAPUNTUA Berroeta
Esquema Berroeta-Elorregi-Zokoa-SAIOA (1418m)-Okolin-Lizerloa-Berroeta

Egun osoko mendi ibilaldia Euskal Pirineotako mendi handi batean, Saioa (1418)

Ibilbidea Berroeta herrian abiatzean da eta hasieran Elorregi (1045m) mendirako bidea hartuko dugu, seinalatua dago, igoera polita da Larraburu aldetik Altzuetako lepora artean, 700 bat metroko desnibela gaindituz tontorrera iritsi arte. Ondoren Saioa aldera doan mendizerra luze samarra jarraituko dugu gora-behera handirik gabe, aukeran, Olariagoa eta Katilliko Kaskoa igo daitezke, desnibel handirik gabe. Hona arteko bidea ordu pare batean egiten da.

Enviado por inaxio el 2019, Abril 15 - 19:32.
Categorías Oiartzun
ABIAPUNTUA Karrika
Esquema Karrika - Elorrieta - Sorondo - Otraitz - Zaria - Uzpuru - Kausoro - Oieleku - Arritxurieta - Bidabieta - Zontzorrotz - Karrika

Karrika errekaren bailara inguratzen duen ibilbidea, harrespil edo mairu-baratz ugariren aldamenetik pasatzen dena. Ez da Arritxurieta gainetik bertatik pasatzen, baina oso gertu gelditzen da. Jaitsieran Bidebietatik zuzenean Karrikara jaitsi beharrean porlanezko aldapan behera (hori da aukera azkarrena), Karrika errekara jaisten da berriz, bidea luzatu arren entretenigarriagoa delakoan.

Enviado por Xabiaram el 2019, Abril 7 - 09:35.
Categorías Bizkaia, Zigoitia
ABIAPUNTUA Etxaguen
Esquema Etxaguen-Harrobiak-Mairulegorreta-Dulau Atxa-Aldamin-Gorbeia-Egillolarra-Harrobiak-Etxaguen

Egun pasako mendi ibilbide ederra Gorbeiako Parke Naturalean.
Hasiera puntua Etxaguen herria, Zigoitia udalerrian, hemendik Oketa mendira aldera doan bidea hartzen dugu baina gora jarraitu beharrean zeharkako bidea hartzen dugu Gorbeiako urtegiak eta Harrobiak aldera, ordubeteko bidea hariztian barrena bide garbian.

Harrobiak-tik aurrea Artzegi eta Maiurlegorreta haitzuloetara doan senda hartzen dugu, hau ere senda garbia da eta pagadi zoragarri batean barna egiten da, paraje oso polita da eta leize zulo hauek ere ikusgarriak dira.

Enviado por Xabiaram el 2019, Abril 7 - 09:16.
Categorías Ubide
ABIAPUNTUA Ubide
Esquema Ubide-Eneabe-Bastelarra-Arralde-Arimegorta-Altamiñape-Gorbeia-Egiriñao-Zastegiko Landa-Altamiñape-Undabe erreka-Ubide

Gorbeiarako igoera egin dut Ubide (568m) herritik abiatuta eta Arraldeko bideskatik. Lehen pausua Eneabe (711m) tontortxora igotzea, ondoren Bastelarra (851m) eta azkenik Arralde (945m) tontorrak igo behar dira.
Behin hiru tontor hauek igota gaineko bideskatik goaz Arimegortarainok (910m), 2,5 ordu.
Hemen hasten da Gorbeirako (1482m) igoera nagusia, ikus daitekeen bezala metro asko gelditzen dira oraindik igotzeko, baina poliki-poliki bidea egiten da azkenean tontorrera iritsi arte.
Tartean trikuharriren bat ere ikus daiteke bidean.