Rutas: Bizkaia

Lurraldeak

Ibilbide mota

Enviado por JFdeA el 2006, Mayo 7 - 19:18.
Categorías Nafarroa
ABIAPUNTUA Uharte
Esquema Uharte-Txagain-Artxueta-Uharte

Nafarroako ibilbideetako 9157. egin genuen atzo.
Zoragarria! Aralarreko hareztiz, pagadiz, trikuharriz ... gozatu ahal izan genuen.
Eskerrik asko emandako informazio guztiagatik.

Ohartxoak:
- Txagaineko langaren beste aldera joz gero, Mra, langati bost bat minutura pare bat trikuharriz gehiagoz goza daiteke: Arruazu
I eta II.
- Lekunberriko errepidea zeharkatu eta gero, eta norabide berean jarraitura bost minutura ILaren seinale argiak zeharkatzen dira, hauek jarraituz ere hel daite Artxuetara.
- Azalpenetan aipatzen diren seinale gorriak agian honttoak dira.

Berriro ere mila esker.

Enviado por inaxio el 2006, Mayo 1 - 21:56.
Categorías Araba, Gipuzkoa
ABIAPUNTUA Lezea
Esquema Lezea - Olano - Arbarrain - Atabarrate - Umandia - Albeiz - Lezea.

Lezea da abiapuntua. Lezera heltzeko errepidea Egino eta Ilarduia arteko errepidetik abiatzen da, Ilarduiatik 500 bat m-ra. Aisigune zabala hedatzen da Lezearen ahoaren inguruan eta aparkatzeko leku ugari dago.

Enviado por Eriel el 2006, Abril 25 - 00:25.
Categorías Bizkaia
ABIAPUNTUA Gorozika
Esquema Gorozika-Bizkargi

Zornotza eta Gernika tartean dagoen Gorozika herrixkan uzten dugu ibilgailua,herrian bertan iturria dago.Eleizatik auurrera joan eta herrian bertan eskumatara jotzen dugu harrizko pista batetik. 50 metro ingurura kartel batek seinalatzen digu zein bide jarraitu. 10 minutu igarota eskumako aldean dagoen poste batetan ikusten dugu plakatxo zuri bat Bizkargi mendia ipintzen duena eta ezkerretara jotzen duena. Hortik aurrera dena da pista igoera. Behin deskantsu batera iristean beste poste seinalatzaile bat ikusten dugu ezkerrean,KONTUZ! aurrera jarraitu behar dugu eta 50 metrora eskumatara jo seinale zuri-gorriak jarraituz. Postean bertan eskumatara jo eskero metro bi inguruko pista txikiago batetik ARBURU mendira goaz. Puntu hortatik aurrera lurrezko pista jarraitzea besterik ez da ermitara heldu arte.

Enviado por Jose el 2006, Abril 17 - 18:09.
Categorías Gipuzkoa
ABIAPUNTUA San Andres (Soraluze)
Esquema San Andres - Urkiazelai - Iruia - Atxolin - Pagobedeinkatu - Irukurutzeta - Pol-pol - San Andres

Ibilbide lasai honek, Kortazar (Karakate) eta Irukurutzeta arteko mendi gainaren zati bat ezagutzeko aukera ematen digu, eta bertara igotzeko zein jaisteko bi bide erakusten dizkigu. San Andresetik abiatuta Urkiazelaitik barrena igoko gara mendi gainera, eta Atxolin eta Irukurutzetako tontorrak zapaldu ondoren Pol-pol iturrian eztarria busti eta San Andresera itzuliko gara.

Enviado por inaxio el 2006, Abril 7 - 22:11.
Categorías Nafarroa
ABIAPUNTUA Ganuza
Esquema Ganuza - Santiago ermita - Sartzaleta - Puerto Nuevo - Ganuza

Autoa herriaren sarreran dagoen aparkalekuan utzi eta herria zeharkatuko dugu. Bidea marra zuri eta horiekin markatuta dago herritik bertatik hasita ermitaraino. Laster aterako gara herritik, eta mendiak inguratzen duen ibar txiki batekin egingo dugu topo. Bidea ibar horren hondoan gora doa. Herritik abiatuko orduko ezker aldetik bereizten den porlanezko pista zuri bat bazterrean utzi eta aurrera jarraitzen duen pistari ekingo diogu. Berehala egingo dugu topo burdinazko langa batekin. Hura zeharkatu eta pista bitan banatzen da segituan: ezker aldeko bidea aukeratuko dugu oraingoan, futbol zelaiaren ondotik paseaz (gauza ondo badoa, eskubi aldeko bide horretatik jaitsiko gara ordu batzuk berandugago). Handik aurrera xenda polit bat jarraitzea aski da, ibar txiki hori inguratzen duen hormara heldu arte.

Enviado por JFdeA el 2006, Abril 3 - 12:23.
Categorías Cantabria
ABIAPUNTUA La Cantolla, Esles, Somo de Noja, Llerana
Esquema La Cantolla-Cuspedroso-Las Enguinzas-Herrera Haitza-La Cantolla

Las Enguinzas Cantabriako Trasmiera ingurunean kokaturik dago, Miera eta Pas ibaien artean, Cantabriaren Ean. Karts tokia dugu, Era dauden Hornijo, Mortillano, Lusa Haitza eta abarren jarraipena
Ian Lierganes herria du, HEan Rio Mierako San Roke.
Bertara joateko Santanderrerako autobidea hartu eta Solaresen Torrelavegarako norabidetik jo, ostean Lierganesera

Cantolla herritik Mironeserako errepidea hartu eta Mra ateratzen den porlanezko bidea hartu. Ostean gurdibide bihurtzen da eta aurrerago bide. Alboetara ateratzen diren bidezidor guztiak utzi eta bide nagusia jarraitu 527mko leporaino, aurrean Cuspedroso ingurunea dugu. Bide nagusitik jarraitu hurrengo leporaino, Castrejon(662m). Bertotik Hrantz abiatu gara bidezidor batetik Castrejon tontorra Era uzten dugularik. Hurrengo lepoan Hera Gure gaurko lehen helmuga, Enguinzas.

Enviado por inaxio el 2006, Marzo 27 - 15:13.
Categorías Gipuzkoa, Nafarroa
ABIAPUNTUA Arano
Esquema Arano - Errekaldo - Unamuno - Azketa - Arano

Aranon herrian gora egin eta eskubi aldetik abiatzen den pista zabal bati jarraituko diogu. GR baten marra zuri-gorriak ikusiko ditugu bidebazterrean. Pistan aurrera egin eta San Rokeren ermitaren aurretik pasako gara halako batean eta, 300 bat metro geroago, pista lepo batera helduko da. Pistaz jarraitu dezakegu handik aurrera ere, baina hobe da pista gogaikarri hori jaitsierarako utzi eta mendi bizkarrera jotzea, izan ere bizkar horretan EHan dagoen mairubaratz edo cromlech multzo handiena dago. Bizkarrari jarraitzea aski da: bidean topatuko ditugu bata bestearen ondoren, eta hala, Errekaldoko gainetik pasata, jaitsiko gara bizkar hau eta Unamuno lotzen dituen lepora (han ere mairubaratz multzo handi bat dago).

Enviado por inaxio el 2006, Marzo 20 - 00:49.
Categorías Iparraldea
ABIAPUNTUA Biriatu
Esquema Biriatu - Xoldokogaiña - Manttale - Ibardin - Urtegia - Osingo lepoa - GR10a - Biriatu

Biriatutik abiatuko gara, Eliza eta bere aldameneko hilerria eskubi aldetik inguratzen duen errepidean gora. Halako batean errepidea bi etxeren arteko lepora heltzen da: han eskubi aldera egingo dugu, asfaltatutako errepidez, aldapa handian gora. Pago landarez osatutako hesi batez ingururatutako etxe dotore baten aldamenetik pasa eta bidegurutze batera helduko gara berehala: ezkerrekoa, aldapa handienekoa aukeratu behar dugu (urak sakondutako lurrezko pista). Handik gora arrasto nabarmenenari jarraituz egingo dugu bidea: GR10a da. Aldapan gora egiten duten bide-aukerak hautatuz argindar poste handi baten aldamenetik pasa eta bost bat minutura bide bazterrean dagoen harri borobil handi batekin egingo dugu topo. Erne! Hantxe bereizten da igoeratik GR10a, Xoldokogaiñako Mendebaldeko isurialde osoa zeharkatuz Osingo lepora heltzen dena: horixe da jaitsierako bidea.

Enviado por David el 2006, Febrero 27 - 23:29.
Categorías Bizkaia
ABIAPUNTUA Barakaldo (Gurutzeta-Cruces)
Esquema Gurutzeta auzoa(Barakaldo)- Saratxo auzoa (Güeñes)

Ibilbide honek Eretzaraino eramango gaitu Barakaldotik, Saratxotik igarota, baina nik bakarrik azalduko dizuet nola heltzen den Gurutzetzatik Saratxoraino, Saratxotik Eretzaraino jadanik azalduta dagoelako web honetan.

Nik txirrindularekin egin dut bidea, eta Saratxora heltzeak, gutxi gora-behera ordu bat eta laurden eramango gaitu (lasaitasunez).

Nahi izanez gero, Gurutzetan, galde dezakegu Santa Agueda (Agate deuna) Baselizara eramaten gaituen bideaz, hasieran bide honi jarraituko diogu eta.

Behin Gurutzetan izanda, ospitalearen ondoan (metroz joan zaitezkete Gurutzetara) dagoen zubia abiapuntu hartuko dugu (zubiak, autopista behean uzten du). Ospitaletik zubia pasatu eta biribilgune txiki bat dago; hantze, eskerrerantz joko dugu, aldapa gogor batetik. Aldapa pasa eta gero eskuinean beste errepidea hazten da: hartu (beste aldapa gogorra da).

Enviado por David el 2006, Febrero 26 - 17:35.
Categorías Bizkaia
ABIAPUNTUA Barakaldo