Rutas: Nafarroa

Ibilbide luze eta zaila zenbait pasartetan. Gailurrak ez dira oso erakargarriak baina bai bidea eta paraje bakartiak. Biderik gabe edo oso bide bihurrietan barrena ibiliko gara batzuetan, baso trinkoetan barrena gainera. Larreburuko gailurretik zuzenean jaitsi ginen pistara oso jaitsiera arriskutsuan: gomendagarriagoa da etorritako bidetik itzultzea edo iparraldera joz, Iratzetako Larreko lepoan pista hartzea. Kontuz ibili.

Txango basatia ingurune nahiko zail batean barrena. Estozi eta Atsagarbiaren arteko zatian biderik ez eta nahiko itxita dago. Atsagarbiara iritsita, gomendagarria da etorritako bidetik itzultzea. Guk egindako bidea nahiko itxita dago eta zaila eta gogaikarria gerta liteke. Joanez gero, mapa eta orientazio tresna egokiak eraman. Mendizale amorratuentzat bakarrik. Abisaturik zaudete!

PRko markak jarraituko ditugu Espartzako hilerritik. Jaisteko, "Espartza" adierazten duen kartelari jarraiki, Garardoia mendian barrena jaitsiko gara. Azken honen gailur itxira iristeko landaretzarekin borrokatu beharko dugu.