Rutas: Nafarroa

Lurraldeak

Ibilbide mota

Enviado por zuriain el 2008, Octubre 9 - 09:18.
Categorías Nafarroa
ABIAPUNTUA Erronkariko errepideko 20. kma

Argi ibili behar da bidea ez galtzeko, baina posible da Txitxirimuria kalte handirik gabe igotzea: Burgi eta Erronkari arteko errepideko 20. km.an, autoa utzi eta zubi txiki bat zeharkatuko dugu. Hogei bat metro ibilita, ez diogu kasurik eginen ezkerretara ateratzen den bidexkari. Botxuela sakan basatiaren eskuinaldetik igotzen da, baina ez gaitu behar den tokira eramanen. Aurreraxeago, bidea utzi eta ekialderantz eginen dugu, markak eta harri pilak dauden aldapa harritsu batean gora, ipar-ekialderantz.

Enviado por zuriain el 2008, Octubre 9 - 08:50.
Categorías Nafarroa
ABIAPUNTUA Azparren
Esquema Azparren-Oiatze lepoa-Sierra (1144m)-Belka lepoa-Lareki (1156m)-Azparren

Azparrendik ekialderantz aterako gara, eliza ttikiaren aitzinean igarotzen den pista zabal batetik. Pistak gogor baina zuzen igoko gaitu Oiartze leporaino. Dena den, ez gara leporaino bertaraino iritsiko. Ehun bat metro lehenago, ezkerralderanzko bihurgune itxi batean pistatik atera eta ekialderantz eginen dugu mendiaren ertz hurbila helburu. Soro batean izanen gara. Bide zabal bat pinuen artean sartu eta beste zabalgune batera iritsiko da. Handik aurrerakoa apur bat zailagoa da: Zabalgunea inguratzen duen basoan sartuko gara bidexka batean. Bidexka zabalgunearen erdialdean hastan da.

Enviado por zuriain el 2008, Octubre 7 - 10:06.
Categorías Nafarroa
ABIAPUNTUA Arangozki
Esquema Arangozki-Mendigaña-Txurtxur (Peña Roya)

Itoitzko urtegia eraiki zenetik, Mendigañako bide nagusia Arangozki herri despopulatuaren inguruetan hasten dena da. Urraul Goitiko errepideko 18.5 kman pista zabal bat hasten da mendebalderantz, Kandelatxeko bidea. Metalezko langa bat dago pistaren hasieran, eta behien elikadoreak inguruan. Pistan gora, Izozki eta Kubilar mendien arteko lepora iritsiko gara (843m) Izozki mendiko gailur apal baina panoramikora joateko aprobetxa genezake. Lepotik gora, bidea Kubilar mendia inguratzen du iparraldetik. Mendi hau ere ederra da, harrizko gailur airosoa baitu.

Enviado por zuriain el 2008, Septiembre 15 - 13:45.
Categorías Nafarroa
ABIAPUNTUA Galoze eta Itzalle arteko errepideko 3.2 kma
Esquema Itzalle-Iburtu lepoa-Iburtu haitza-Iburtu sakana-Itzalle

Ez da erraza Iburtu haitzera igotzea. Liburu zaharretan (ad. Zubieta Barcosena)ez da zailtasunik batere aipatzen. Izan ere, orain hainbat urte igo genuenean ez genuen aparteko oztoporik aurkitu. Orain ordea nahiko aldatu dira gauzak. Azken txanpa eskalada erraz (II) baten bidez egiten da, baina sasiak hainbeste hazi dira non zaila egiten baita aurrera egitea. Nire argazki zaharrak begiratuta, zaila da erratea mendi bera dela!
Oharra eginda, goazen harira.
Mapan eta Wikilocen jarritako ibilbidean jaitsierako bidea besterik ez da agertzen, zailena baita aurkitzeko.

Enviado por zuriain el 2008, Agosto 25 - 08:48.
Categorías Nafarroa
ABIAPUNTUA Orrontze
Esquema Orrontzeko San Pedroko baseliza-Ilarregia-Monterria-Agerre borda-Gurutzelarrea-San Pedro

Txango erraz baina erakargarri hau egiteko Zaraitzuko Orrontze herrititik berrehun bat metrora dagoen San Pedro baselizatik abiatuko gara. Bertan autoa utzi eta pistan gora abiatuko gara pinu eta pago artean. Ez gara pista nagusitik aldenduko. 975 metroko garaieran beste pista bat ikusiko dugu eskuin aldera (Heg) Pinudi koxkor baten ertzetik ibiliko gara eta laster zelai zabaletara aterako gara. Ekialderantz, Ilarregia mendixkaren malda leunak ikusiko ditugu. Pista utzi eta zelaietan gora abiatuko gara, paisaia zabalaz gozatuz. Ilarregiako (Soraberta) gailurra, 1123m.

Enviado por zuriain el 2008, Agosto 11 - 13:35.
Categorías Nafarroa
ABIAPUNTUA Belabartze ibarra
Esquema Belabartze ibarreko errepidea- Baines borda- Lepoa - Bainesko gailurra

Mendi ahantzi hau igotzeko, Belabartzeko errepidetik abiatuko gara. Ezkerraldean, Frantxoren borda dago eta eskuinaldean teilatu gorriko nabe handi bat. Nabe horren atzealdetik ibaia zeharkatu eta maldan dagoen belardi batera sartuko gara. Belardiko gainaldean, kairn pare bat ikusiko dugu. Basoan sartuta, erreka bat dago, Ezkaiturritik jaisten dena. Batzuek errekan gora egitea gomendatzen dute. Askoz errazago eta politagoa da erreka horren eskuinaldean hasten den bide zabal eta egokia hartzea (harripilak). Sigi-saga, bide horrek basotik atera eta Ezkaiturriako larre ederretara eramanen gaitu.

Enviado por zuriain el 2008, Agosto 11 - 11:24.
Categorías Nafarroa
ABIAPUNTUA Gorza

Mendi apala izanagatik ere, Arburua balkoi moduko bat da Itzalle mendi zirkuluaren gainean, baita oro har Zaraitzu ibarraren gainean ere. Inguruko herri guztietatik igo daiteke Andra Mariren baselizara, eta txango atsegina da bai bideen edertasunagatik bai baselizatik ikus ditzakegun paisaiengatik. Gorzatik igotzen da biderik laburren eta atseginenetakoa. Herritik mendebalderantz atera eta Zaraitzu ibaiaren gaineko zubia zeharkatuko dugu. Pista batek hegoalderantz eramanen gaitu. Berehala (10 bat metro), pista utzi eta mendebalderantz igotzen den bidexka estu bat hartuko dugu.

Enviado por zuriain el 2008, Agosto 8 - 17:57.
Categorías Nafarroa
ABIAPUNTUA Josepita lepoa

Pausaran eta Jaun Done Jakue mendien artean Josepita lepoa zabaltzen da. Haraino heltzeko Imizkotz edo Gorraiz herritatik abia gaitezke. Arazo bakarra, herrixka horietara ez dela errepiderik iristen, pistak baizik. Imizkotzekoa, gainera, oso egoera txarrean dago. Hobe, agian, errepide nagusitik abiatzea. Josepita lepoan, hegoaldera joko dugu, Ponsoroako harkaitzetara zuzenean abiatzen den pista zabal batean barrena.

Enviado por zuriain el 2008, Agosto 8 - 17:51.
Categorías Nafarroa
ABIAPUNTUA Josepita lepoa

Imizkoz, Arrieta edo Gorraiz dira abiapuntu ohikoak Jaun Done Jakue igotzeko, baina herrixka horietan hasten diren bide guztiak Josepita lepoan elkartzen dira. Ibilbidean ez dago markarik ezta bide handirik, baina mendiaren gainaldetik ibiliz gero, ez dago arazorik aurrera egiteko. Pare bat linea elektriko baten azpian pasatuta, gure aurrean altxatzen den piramide ezpeltsua hartuko dugu jomugatzat. Bidexka anitz daude, hasieran belar eta harri gorrien gainean eta berehala ezpelen artean. Malda gogortu eginen da eta Ponsoroa eta Labiako mendikatearen bista ederrak izanen ditugu.

Enviado por Jose el 2008, Mayo 7 - 20:15.
Categorías Iparraldea, Nafarroa
ABIAPUNTUA Lizuniaga mendatea
Esquema Lizuniaga mendatea - Ibanteli - Lizarreta mendatea - Etxalargo usategiak - Irumuga lepoa - Arxuria - Ibaineta lepoa - Mendibil - Urbia lepoa - Loiara lepoa - Mitxelen Borda - Urdazubi

Jarraian azaltzen den ibilbidea Lizuniaga mendatetik Urdazubi herrira doan zeharkaldi bat da, Ibanteli, Arxuria eta Mendibil mendien tontorretatik igarota. Garaiak izan ez arren, Ibantelik eta Arxuriak mendizale asko erakartzen dituzte, Arxuriak batez ere, hegoaldera erakusten dituen malkar ikusgarriek itxura berezia ematen baitie. Ikuspegi zabalak eskaintzen dituzte biek. Ibanteli eta Arxuria arteko bidea mendi-bizkar leun batetan zehar egiten da. Etxalargo usategiak daude tarte honetan. Mendibiletik Urdazubira jaisteko berriz, Urbia eta Loiara lepoetatik pasatzen da, Mitxelen Bordako errekastori jarraituz Urdazubira iristeko.