Aldaxur

Urraul Goiti ibarraren gainean altxatzen diren mendirik haidorren eta ezagunena izanen da Aldaxur. Harkaitz ikusgarri batek koroatzen du mendi honen gaina eta horrek ahalbidetzen du ikuspegi ezin zabalagoak izatea bertatik. Inguruko gailur gehienek ez bezala, Aldaxurrek oso markaturik dauka gailurra: gurutze handi bat, aldare bat, erpin geodesikoa eta oroitarria. Txartelontzirik ez ordea: Tx. Nankik jarritako buzoitxo zaharra desagerturik dago egun. Ohiko igoera Aietxukoa da, baina badago aukera Adoaindik edo are Itzalletik ere abiatzeko.
Mikel Belaskok bere hiztegian dio seguruenik mendi honen izena "aldats" (aldapa) eta "sudur" hitzetatik datorkeela, garai batean Alda Sudurra eta Aldasurra izenak jaso baitzituen.