Basoak eta sastrakak estaltzen du mendiaren gainaldea, IEan nabarmentzen diren haitz muturrak izan ezik. Haitz mutur horiek ere ez dute ordea igotzeko erraztasun handirik ematen eta harriari heldu egin behar zaio ezinbestean panoramika osoaz gozatu nahi izanez gero. Batek gurutzea jasotzen du herrira begira, eta buzoia besteak. Landaretza trinkoa izanagatik, bada mendian gora eta behera ibiltzeko senda eroso ugari (mendizaleak ibiltzen diren seinale), ibilbide polit askoak egiteko aukera ematen dutenak.
