Esparatz

Badu mendi mendi honek zer ikusia inguruetan, iparraldeko isurialdean batez ere. Bi haitz nabarmen zutitzen dira isurialde honetan, zein baino zein zorrotzago, baina ohiko igoera bidetik aparte gelditzen dira. Tontorra bera muino erraz bat da, pinuz inguratua, artadian barrena eta ezpel eta ipuru artean igotzen den senda polit batek zailtasunik gabe menderatzen duena, iparraldeko lepotik abiatuta. Ibilbidea luzatu nahi izanez gero Etxauri da egokien gelditzen dena, baina urruti samar, 90 min.ra edo. Gatzaga ikusteko aprobetxatu dezakezue nahi izanez gero, baina gauza kuriosoa izanagatik oso hondatua dago beren ingurua.