Iruñeko iparraldean altxatzen den mendia da Ezkaba, eta hiriaren gertutasunak markatzen du gehien. Gotorleku zatar batek koroatzen du mendia eta antena sail bat zutitzen da bere ekialdean. Horietara heltzeko errepide bat ere bada, Iruñea aldetik abiatzen dena, eta horren ondorioz jende asko ibiltzen da gain alde horretan. Gotorlekuaren harresiek tontorrerako bidea galarazten dute ordea eta sarrera giltzatuta dago.
Bada halere bide sare bat ondo markatua mendiaren isurialde guztiak zeharkatzen dituena, eta aukera egokia eginez gero, ibilaldi polita egin daiteke.
