Irugain HaitzaEnviado por zuriain el 2008, Noviembre 17 - 11:15.
Irugain haitza ©zuriain Aretako mendiek adar bat luzatzen dute Aietxu herriaren gainera, Jakoisti herrixka despopulatutik bereiziz. Mendi horiek hurbileko Aritzgaina, Borrotxulo edo Aldaxur baino apalagoak izanik ere, interes handikoak dira: harrizko gainak dituzte eta inguruko mendien panoramika ezin ederragoak ahalbidetzen dituzte. Besteak beste, Jakoistigaña, Txitxurrondo eta Irugain haitz ikusgarria aurkituko ditugu mendialde honetan. Irugain Haitza Jakoistigaña mendiaren mutur batean dago, eta mendiko punturik altuena ez izanik ere, behatoki ikusgarria da. Jakoistigañako gailurra, ordea, itxiagoa da, baina ipar-ekialdean taiaia zorabiagarria dauka, zonalde bakarti honen gaineko ikuspegiaz gozatzea ahalbidetzen duena.
|
Txartelontzia hautsita.
Kaixo. Paraje eder horietan aurreko igandean (2012-1-22) egindako ibilbidean igo nintzen mendi honetara, eta gainean buzoia hautsita dagoela ikusi nuen. Bazirudien nahita egindakoa zela.
Por zierto, nahiz eta mendi honen inguruan argazki kamara galdu dudan, paraje eta bazter ikusgarriak dira.