Lakuaga

Atuzkarratz mendizerra zabalaren iparraldean, iparretik Laza mendateak eta Uztarrotze herriak mugatuta, batzuek Uztarrotze erraten dioten mendialdea hedatzen da. Mendiak ez dira Atuzkarratz mendilerrokoak bezain garaiak, ez baitute 1300-1400 metroko garaiera gainditzen. Hala ere, inguruak are ederragoak dira, pinudi eta pagadi itzaltsuekin, belardi goxoekin eta ikuspegi ezin zabalagoekin. Txangoen ohiko abiapuntuak Uztarrotze eta Isaba herriak izaten dira, baita Laza mendatetik abiatzen den pista zabala ere, txirrindularientzat egokitu eta markatua. Lakuagaz gain, beste hainbat mendi interesgarri auki ditzakegu inguruetan: Barangada (1374m), Sitsaderra (1410m), Luno (1272m)...