Ikuspegi ederra ermitako aterpearen leihoetatikinaxio
Oso gorabehera gutxiko eremuan dago mendi hau eta hori izango da beharbada jende askok ermita bera erreferentzia gisara erabiltzearen arrazoia. Nabarmena da ermita ez dela punturik altuena, baina gune garaiena bilatzen hasita ez da erraza hura atzematea. Gainontzean paraje ederra da, amaigabeko larreak eta ikuspegi zabala, ibilbidea nekerik gabe luzatzeko aproposa. Ingurune horrek ere xarma berezia ematen dio ermitari berari. Honek aterpe moduko pieza bat dauka hegoaldean, arku itxurako leihozulo zabalekin. Aipamen berezia merezi dute larre zabal horiek alderik alde zeharkatzen dituzten harresi luzeek: makina bat lan egin du norbaitek horiek denak egiten.
