Azpiroz eta Uitzi artean zutitutako kararrizko gandor luzean gehien nabarmentzen den tontorra da Mergelu. Karst-aren gainean hazitako pagadiak estaltzen du iparraldeko isurialde gehiena lurrazala berdindu eta larre bihurtzen den arte. Hegoaldeko isurialdean aldapa handia da eta harria da nagusi Azpirozeraino. A15 autobideak ebakitzen du aldapa hau erdiz erdi, oso urrutitik ikus daitekeen urratua eginez. Tontorretik Aralar aldeko mailloak eta Betelu aldeko bailararen gaineko ikuspegi ederra gozatu daiteke. Ibilbidea luzatzekotan Guratz da egokien gelditzen dena, IMan.
