Soila

Hegoaldera erakusten du ikuspegirik politena Soilak, Buxanda aldera: karaitzezko bi mutur zorrotz, harri bereko orratz zorrotzez inguratuta. Amildegi luze batez ebakita dago gandorra mendebaldera, Antoñana aldera; Korres aldeko isurialdea samurragoa eta soilagoa da. Korres herritik abiatzen da igoerabide errazena, marka horiz seinalatutako xenda bat, amaieran iparraldeko gandor luzea erabiltzen duena, ezpela, artea eta mendizaleon entretenigarri diren arantzadun espezie ugariren artetik. Antoñana aldetik igotzen den bidea luzeagoa da, baino politagoa ere bai, basatiagoa. Gandorrean elkartzen da Korres aldetik datorrenarekin. Muela eta Mantxibiorekin barera igoz gero, ibilbide ederra osatu daiteke (6 bat ordu).