Beroate/Irulegi mendiaren gainalde guztian sakabanatuta ikus daitezke tumuluak, baina nahiko era irregularrean banatuta daude. Tontorraren inguruan nahiz HEko larre zabalean ikus daitezke, tamaina eta itxura desberdinekin. Zenbait lekutan lurzorua eraldatuta dagoela ematen du, lekua harrobi moduan erabili izan balute bezala. Kokapenak mendiaren tontorra baino ez du adierazten.

Bi harri ikusten dira lurrean sendo sartuta, bata bestearen aldamenean, perpendikularki, sasi artean pixka bat ezkutatuta. Tumulua ez da nabarmena; ikusten dira nonahi harri muturrak, baina tumuluaren egitura ez da nabarmentzen. Beheraxeago harresi bat dago, metro gutxira; han izango dira beharbada falta diren harriak.