Mintxate .. Armotoa ZURIAIN

Enviado por BatenBat el 2004, Septiembre 10 - 00:00.
Tipo de itinerario Joan-etorria bide beretik
Dificultad Zaila
Lurraldea Nafarroa
ABIAPUNTUA Mintxate
Relacionados »Armotoa (mendi)
Gora-behera-
Luzera-
Iraupena3:00 - 4:00
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Mendi ezkutu hau igotzeko abiapuntua Mintxate arroila ederra dugu. Bertan autoz edo oinez sartuta, hiru bat km. eginen ditugu, zubi ttipi bat zeharkatu arte. Bertan utz dezakegu autoa, ehun bat metro aurrerago etxe batzuk ikusten direlarik. Basoan sartzen den bide zabal bat hartuko dugu, ekialderantz, ezkerrean iturri eder bat utzita. Bideak gogor igoko gaitu pinuen artean inoiz ere itxi edo galdu gabe. Azkenean, lepo belartsu batera helduko gara. Bertan borda baten hondarrak ikus daitezke... baita Pirinio hurbileko mendi handiak ere. Ikuspegi benetan zoragarria. Belardi horretatik hegoaldera joko dugu, eta handik aurrera bidea batzuetan ez da horren garbia izanen, baina mapa eta bruxularen laguntzaz ez zaigu oso zaila gertatuko Armotoaren gailurrera iristea. Bi mendi daude, eta lehenbizikoa da interesgarriena, oso tontor ederra baitauka: harrizkoa eta lerdena, eta are garrantzitsuagoa, inguruko mendien ikuspegi ezin hobea dago. Handik aurrera segitzea ez da oso gomendagarria. Nik behintzak gorriak ikusi nituen Ardibidegainearaino heltzeko. Bada, dena den, bide bat mendiaren mendebaldeko hegaletik doana, lepoen altueran, ez gailurrez gailur. Agian bide hori erabilita errazago suertatuko zaigu mendikate osoa egitea. On egin! ZURIAIN