Andraitz | Euskal-Herria.Org

Andraitz

Garaiera

1433 m

Mendialdea

Aizkorri

Kokapena

ED50 30T X.553882, Y.4757870
WGS84 42.969681 N, -2.340636 E.

Beste izenak

Andreaitz, Burnikurutz

Abiapuntuak

Arantzazu, Brinkola, Zegamako geralekua

Gertu

Arbelaitz, Aitxuri, Zabalaitz, Peruaitz, Enaitz, Aizkorri, Artzanburu, Petrinaitz, Arriurdin, Arranoaitz, Burgalaitz, Tellakaskueta, Milpiribil, Malkorra, Gazteluaitz, Naparbasoko punta, San Adrian, Arkaitz, Butreaitz, Otaño, Añabaso, Mariñamendi, Aratz, Aztio, Aztiomendi, Gaboñu / Artia, Allaitz, Aizleor / Unamendi.

Lurraldeak

Gipuzkoa.

Kategoriak

Kantuzuetatik ikusita Jose

Aizkorri mendikateak bi gune bereizi ditu. Lugaitzeko lepotik hego-ekialdera 1500 metrotatik gorako tontorrak daude: Arbelaitz, Iraule, Aitxuri, Aketegi, Aitzabal eta Aizkorri. Ipar-mendebaldean, Lugaitzeko lepoa eta Biozkornia lepoaren artean Katabera izenaz ezagutzen den karst eremua luzatzen da. Zulogune eta tontor txiki ugarirekin, karst eremu honetan ibiltzea oso nekeza egiten da. Andraitz Kataberaren hego-ekialdeko ertzean kokatuta dago. Gertu 1500 metrotatik gorako tontorrak edukitzeak itzalean uzten du mendi hau.

Bere inguruan badira buzoidun beste zenbait tontor txiki. Hego-ekialdean Kantuzulueta (1.410 m.; 30T 554060 4757735), hego-mendebaldean Lekunberri (1.358 m.; 30T 553710 4757600) eta mendebaldean Aizkorritxo (1.344 m.; 30T 553395 4757850) besteak beste. Aizkorritxo tontorretik gertu, izen bereko trikuharria dago.

Andraitzen ipar-mendebaldean, Andraitz edo Igoateko lepoa dago. Zegama eta Brinkola aldetik Urbiara iristeko pasabide nagusietako bat.