Atuzkarratz mendilerroaren ekialdean, Kakueta-Peña Blanca erraldoiak garaiera galdu eta adar oihantsu bat luzatzen du hegoalderantz, Binies eta Ezka ibaien erroak bereiziz. Adar horretan noizbehinka harkaitza azaldu eta mendi ederrak sortzen dira: Argible, Elizarena, Gaztuluzarra... Arain da horietako bat: ez garaiena, ez interesgarriena, ezta errazena ere. Arain mendi literaturan hainbatetan agertzen bada ere, egun erabat itxita dago, eta sasiekin borrokatu behar izanen dugu haren gailur harritsura iristeko.
