Maliturri eta hurbileko Puno (Ollokorri) Iruñerriko txangoen klasikoetako bat dira. Bi mendiok Lakarri-Beltzunegi Haitzaren mendilerro paraleloa osatzen dute iparraldetik. Igoera erraza da eta gorabehera handirik gabeko txangoa bada ere, atsegina da kate honen gainaldean zehar ibiltzea. Maliturriko gailurretik paisaia ederrak ikus ditzakegu, baina ezin gauza bera erran Ollokorriz: altuera berdintsuko bere bi gailurrak baso trinko batek harturik daude, eta iparraldekoan bakarrik aurkituk ditugu tontorra markatzen duten kairna eta tako geodesikoa.
