ZotalarEnviado por zuriain el 2010, Agosto 23 - 15:35.
Zotalarko txartelontzia, Atarrabiako Idoskia taldeak jarria ©zuriain Iramendi/Amuz baino garaixeagoa izan arren, Zotalar zorioneko zerrendatik at utzi zuten. Horrek bakardadera kondenatu zuen gainerakoan Iramendiren antzekoa den mendi hau. Agian zerrendaren egileek gain honen patu beltza aurrikusi zuten: hego-ekialdeko magalean harrobi bat egin behar dute, eta dagoeneko hasiak dira basoa soiltzeko lanak. Zilbetiko bizilagunek onespena eman arren, izugarria da natura hondatu behar izatea bizirauteko.
|