GantzorrotzSubmitted by inaxio on 2005, Junio 9 - 22:18.
Ekialdetik ikusita ©inaxio Bere mutur zorrotzari zor dio izena mendi honek, piramide baten itxurakoa baita gainaldea, baina gain erraza da, nonahitik igotzeko modukoa, arreta pixka bat jarriz gero, haitz eta elorri artean ez trabatzeko. Ikuspegi zabala eskaintzen du Legarmendiko karstaren gainean, izan ere karst eremuaren erdian gelditzen da eta ez dago goien bista galarazten duen zuhaitzik. Bertara joanez gero, antzeko beste tontor batzuk ere nahikoa gertu gelditzen dira, Urtemondo esaterako Man, eta Betzuenburu eta beste asko Ean.
|