Sorondo - AñarbeEnviado por inaxio el 2014, Julio 12 - 18:31.
Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz Añarbe urtegia inguratzen duen pista oso aproposa da mendiko bizikletarako, baina badu eragozpen haundi bat: ezin da presa gainetik pasa eta ezinezkoa da itzulia osatzea, bizikleta bizkarrean hartu eta nahiko aldapa txarretan ibili gabe. Errenteriako Udalari dagokion aldean (Goizuetari dagokio presaren beste aldea) ez dago Goizuetako errepidera jaisteko biderik... zabalik. Ze egon badago errepide bat urtegia inguratzen duen pista bukatzen den lekutik Goizuetako errepidera jaisten dena, baina tarte horretan hesiz itxita dago. Goizuetako aldean badago aukera hori, arrastoak erakusten duen bezala, bizikletaz jaitsi daitekeena azken 50 metroak kenduta. Ibilbide honek urtegia inguratzen duen pista horren zati bat egiten du beraz, Oiartzun eta Goizueta aldekoa. Ez du aparteko zailtasunik, igelez betetako putzu ugari eta aldapan behera datozen errekastoak baino ez.
|