Las Cruces

Arroniz eta Urantzia-Los Arcos herrien artean, mendikate apal bat luzatzen da ekialdetik mendebaldera, iparralderago dagoen Kabrega mendilerroarekin paraleloan. Kate horiek, modu lausoan, Jurramendi eta Kodesko multzo handiak konektatzen dituzte. Zirrara handirik gabeko mendia izanik, Las Cruces gainak badu bere interesa: erpin geodesikoa du, eta horrek erran nahi du posizio estrategikoan dagoela eta paisaia zabalak ikusiko ditugula. Igoeran, mahasti eta pinudien artean, zoritxarreko zirkuitotik datorren zarata entzunen dugu, oso musika atsegina ez dena. Ezta merkea ere.
Bitxikeria gisa, mendikateko punturik altuena ez da erpin geodesikoa, mendebalderago dagoen eta bi metro altuagoa den Raicilla (626m) izenekoa baizik.