Santiomendi

inaxio-k sortua, 2019, martxoa 25 - 20:10
Garaiera 297 m
Mendialdea
Kokapena ED50 30T X.586728, Y.4792048
WGS84 43.274395 N, -1.932501 E.
Beste izenak Santiyomendi, Santiagomendi
Abiapuntuak Astigarraga, Astigarragako Benta, Hernani, Epela.
Gertu Santiago ermita, ARREGINEA harrespila, ERMAÑALDE harrespila, Plazetxe etxe aipagarria, Atxurro mendia, MARIOLA zista, Astigarraga herria, Murgia jauregia, Andra Maria eliza, LANGAGORRI zutarria, TXORITOKIETA zutarria.
Lurraldeak Astigarraga.
Kategoriak .
images
Santiomendi
Santiomendi tontorra-edo. ©inaxio

Santio bideko erromesentzako ermita eta aterpe dotore bat jasotzen du mendiak bere tontorrean eta horregatik da ezaguna inguruetan, Astigarragan batez ere. Astigarraga, Hernani nahiz Astigarragako Bentatik igo daiteke bertaraino porlanezko bideetan gora, autoz. Bada aparkaleku bat tontorretik gertu eta Ermitaren inguruak bisitarientzako gertatuta daude, mahaiak eta eserlekuak, iturria, zaindutako belardiak eta baserriko tresna zaharrak (goldea, area, alperra, e.a.) apaingarri gisa jarrita. Sagardotegien eremuaren erdian dagoela esan daiteke: asko dira sagastiak eta sagardotegiak bere hegietan. Ez da bisitaririk falta izaten beraz asteburuetan.

Ermitaren inguruak eta sagardotegiak alde batera utzita ere mendiaren hegi gehienak oso eraldatuta daude, gizakiak aspalditik ustiatutako mendia dela nabari da. Nonahi ikusten dira urratuak, harrobiak, harresiak eta lubakiak, nahiz eta gero sasia gailenduta egon hainbat eremutan. Jabego pribatuko eremuak ere ugariak dira eta oztopo izan daitezke ibilbideak prestatzeko orduan. Aginetako gainean, esaterako, antena instalazio bat dago eta hesituta dago: ezin da tontorrera heldu.

Irudiak














Lotutako orriak