UrdazkainEnviado por zuriain el 2019, Abril 3 - 08:35.
Urdazkain Elutsandiko lepotik ©zuriain Nagore eta Lakabe lotzen dituen tunelaren hegoaldeko zaindaria dugu Urdazkain. Itxura batean mendi deserosoa eta paisaiarik gabea eman dezake, baina basoan biderik gabe ez sartzeko kontuz ibili behar izan arren, igoera uste baino erosoagoa da xendrak aurkituz gero. Eta harrigarriro, gailurretik paisaia mugatua baina ederra ikusiko dugu. Artziko Santa Mariatik abiatuta edo Lakabeko tuneletik, txango polit bat eginen dugu, inguruko beste gain batzuekin batera seguruenik. Iparraldeko lepotik abiatzen den bidezidorrak zuzenean gailurreko tako geodesikoraino eramanen gaitu. Zenbait mapatan puntu altuxeago bat ageri da ekialderago. Gu haraino joan ginene, baina ez du merezi basoarekin borrokatzea.
|