AmiltzuSubmitted by zuriain on 2019, Julio 22 - 14:02.
Amiltzu tontorra ©inaxio Amiltzu eta Ariztizabal/Maltxarreta mendiek iparraldetik menderatzen dute Agauntza sakana, pendiz handiko hegi ikusgarriak amiduz Lizarrustiko errepideaz beste aldean. Basoz estalitako mendiak dira, eta horrek pasaia ia erabat mugatuko digun arren, guztiz egoki bihurtzen ditu gain hauek hostapean paseatzeko bero handiko egunetan edo perretxikoen sasoian. Lareoko urtegi txikiaren hurbiltasuna ere arrazoi bat gehiago da gailur bakarti hauetara hurbiltzeko. Amiltzu tontorrean mugarri bat baino ez dugu ikusiko, hau ere pagoen itzalean eta Ariztizabal/Maltxarreta gailurrean Gipuzkoako Foru Aldundiaren erpin geodesiko baten kondarrak, harresi zahar baten arrastoan.
|