Arnabar

Urdelar mendiaren IMan luzatzen den bizkarrean arkaitzez eratutako bi mutur nabarmentzen dira, basoak mendean hartu ez dituenak. Aldea txikia da bien artean, baina IMkoa da metro gutxigatik garaiena eta bertan dago txartelontzia, ehiza postu zatar baten aldamenean, hareharri gorrizko haitzez inguratuta. HEan, Urdelar eta Arnabar arteko lepoan Belabieta Txiki trikuharria dago, nahiko egoki, bide bazterrean. Mendebaldean Loako zelai lohitsuak daude eta duela urte batzuk haizete batek sutsitutako pinudia, orain sasia mendean hartzen ari dena. Sasitza horren erdian daude Loako trikuharria eta tumulua, laharrak estu hartutako bidezidor batez lotuta. Ibilbideari jarraipena eman nahi izanez gero, Belabietako muinoa hurbil gelditzen da, Mendebaldean.