Kanelutxe

Kanelutxeak (bi baitira, Pelado eta Redondo) Kaseda eta Murelu arteko lurrande zabaleko erlieberik inportanteenetakoak dira. Eite koniko horrekin, gain politak dira inguruko gainetatik ikusita. Landaturiko pinudi batek estaltzen ditu erabat, eta xendra urriak galtzen ari dira saitza trinko batek hartuta. Kontuz beraz, bideak egon baitaude, baina hobe da aldez aurretik ibilbide onak bilatzea, bertan bidexken bila ibili baino.

Txangoa luzatu nahi izanez gero, ekialdean Gudilla eta Pan de Oliva gainak ditugu, horiek ere landaretza zail batek hartuak.