Mendiko bizikletaz Itxina inguratzen

Jose-k sortua, 2021, abendua 27 - 18:53
Ibilbide mota Mendiko bizikletaz
Zailtasuna Zailtasun gutxikoa
Lurraldea Areatza, Bizkaia, Orozko, Zeanuri
ABIAPUNTUA Ibarra (Orozko)
Eskema Ibarra – Gallartu – Altzagorta – Pagomakurre – Arraba – Egiriñao – Austingarmin – Belaustegi – Usabel – Ibarra
Gora-behera1170 m
Luzera23.9 Km
Iraupena2:30 - 3:00
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Mendiko bizikletaz Itxina inguratzen
Egiriñaora heltzen

Mendiko bizikletaz egindako ibilbide zirkular hau Orozkoko auzunea den Ibarratik abiatzen da. Bikotxganara igotzen den errepidea jarraitu behar da Gallarturaino.

Han, errepidea utzi eta basoan barneratzen den porlanezko bidea hartu behar da. Aldapan gora egiten du etengabe, baina malda eramangarriarekin.

Bide honek Areatzatik igotzen den bidera ematen du, Pagomakurrera iristeko kilometro bat inguru falta delarik. Pagomakurren iturri bat aurkituko dugu.

Porlanezko bidea hartxintxarrezko bide bihurtzen da, eta maldan gora egiten du laster, lehen baino aldapa gogorragoarekin, Arraba izenaz ezagutzen den lautada zabalera iritsi arte.

Arraba ekialdeko ertzetik zeharkatu behar da, zuhaitz lerroa jarraitzen duen bidetik. Bideak Gatzarrietaren ekialdeko mageletik jarraitzen du. Tarte hau ez da bizikleta gainean egiteko egokia. Behin tarte hori pasata, pagadira jaisten da, Egiriñaoko aterpearen bila.

Aterpetik, bailaran behera egin behar da, hasieran nekez antzematen den bide batetik, nabarmenagoa den bati elkartzeko laster. Harri askorekin, nahiko hondatuta dago (2021eko abendua) bidea tarte batean.

Bidea Sastegi zelaiguneraino jaisten da, eta Urratxa haitz kaskoa ezkerrean utzita, Gorosteta eta Ipargortaren hegoaldeko magaletik igotzen da, ipar isurialdera igarotzeko aukera ematen duen gain bateraino. Ibilbideko punturik garaiena da hau.

Oso aldapatsua den jaitsiera batek, aurrena Austingarmin lepora eramango gaitu, eta Belastegitik barrena Ibarraraino gero.

EranskinaTamaina
Egiriñao.gpx161.54 KB
Irudiak

***

****

***

***

***

***

***

****

***