Oltzorrotz, Ekaitza, Arainburu, Loitzate eta Iramendi, Zubietatik

Enviado por inaxio el 2022, Enero 31 - 21:41.

Tipo de itinerario	Itzulia, jaitsiera beste bide batetik
Dificultad	Zaila
Lurraldea	Nafarroa
ABIAPUNTUA	Zubieta
Esquema	Zubieta - Azkontzuloeta - Oltzorrotz - Ekaitza - Arainburu - Irain / Loitzate - Iramendi - Arlepo - Sorginzelaieta - Irazabal - Zubieta

Wikiloc

Gora-behera	1200 m
Luzera	18 Km
Iraupena	5:00 - 6:00

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Oltzorrotz haitzaren igoeran kontu pixka batekin ibili beharra dago, ez da haurrekin ibiltzeko lekua. Arrastoa nahiko nabarmena da orain, baina ez da beti beharbada horren nabarmena izango. Iparraldeko bizkarretik etorrita haitzaren eskubi aldetik igotzen da bidea, hormaren tarte errazenak bilatuz.

Iramendiko Hegoaldeko isurialdean ez da bide arrasto nabarmenik eta ez da erosoa (tarte batzuetan otea eta uda partean iratzea), jaitsiera errazago egin daiteke Mendebaldeko hegia zeharkatzen duen pista zabala baliatuz.

Irazabalgo jaitsiera nahiko zakarra da bidea hondatuta dagoelako tarte batzuetan, igotzeko hobea da egia esan. Jaitsiera eroso bat egin nahi izanez gero hobe duzue Arlepon Aurkidiko bidea hartzea: pista zabal batek eramango zaituzte bueltan Zubietara. Aurkidiko bidearen arrastoa ere erabil dezakezue lasterbide moduan.

Adjunto	Tamaño
oltzorrotz-ekaitza-loitzate-zuzenduta.gpx	212.45 KB

Notes:

Ibilbidea 2022ko urtarrilean egina da, nahiz eta GPSak 2002ko ekainekoa dela esan, GPSa hondatuta daukat.