Webguneaz

Hau gure natur-ingurunea eta ondare historiko-artistikoa ezagutu eta ezagutzera emateko asmoz sortutako webgunea da. Jasotzen duen edukia elkarlanean osatua da eta nahi duenak parte hartzeko moduan eratua dago, edukia kudeatzeko sistema baten gainean.

Erabiltzaileek erantsitako eduki gehiena (orriak, argazkiak, oharrak) bere izenean gordeta gelditzen da eta nahi duenean ezabatu dezake, baldin eta gainontzeko erabiltzaileei eragozpenik sortzen ez badie. Esaterako, mendi berria erantsiz gero, mendiaren orria ez da ezabatuko, gainontzeko erabiltzaileek erabili egingo dutelako (bertan egonak diren ala ez markatzeko esaterako), baina nork bere argazkiak noiznahi ezabatu ahal izango ditu.

Lehenengo egitekoa webgunean kontua sortzea da. Erregistratu eta izena emanez gero, webgunean bertan ikusiko duzu bera osatzeko edozein erabiltzaileri eskaintzen zaion hainbat aukera: orri berriak sortu, argazkiak eta oharrak erantsi, argazkiak baloratu, e.a.

Webgunea elkarlanean egina da, hainbat lagunen artean osatu dira orain jasotzen diren edukiak. Webgunearen sortzailea Inaxio Elizegi da, Errenteria aldeko kide bat. Bera da webguneko okerren erantzulea eta dagozkion gastuak ordaintzen dituena; ez da inongo erakunderen dirulaguntzarik jasotzen webgune honetarako.