Aia

Trikukarria. 13 m diametro duen tumulua, 0,60 eta 0,70 m arteko garaierakoa. Beronen erdialdean ganbarako harlauza bat azaltzen da lurrean sartua, 70° zuzendua, HHE-ra etzana. Begibistako neurriak hauek dira: 1,55x0,60X0,15 m . Harlauza hau kareharrizkoa da eta tumuluko harriak inguruko hareharriak dira berriz.

Trikuharri luze irekia. Tumulu jeitsia eta soildua ekialde eta mendebaldeko arkuetan kamino bat eta mendi-pista bat irekitakoan. Tumuluaren ustezko diametroa 8 m.takoa da eta bere altuera Ekialdeko 0,70 m. eta Mendebaldeko 0,50 m. tartean dago. Ganbara hiru harlosaz eratua dago: bi Mendebaldean, bata hareharrizkoa (0,90x0,10 m.) eta bestea kareharrizkoa (1,45x0,16 m.); eta beste bat kareharrizkoa Ekialdean (1,85x0,15 m.). Harlosa hauek muturretan irekitako esparru errektangular bat osatzen dute. Ganbara-zorua 0,75 m. sakondua dago. Bere norabidea 145ºtakoa da.

Tumulua 10 m. diametrokoa I-H eta 11,50 m. E-M, eta 0,60 eta 0,80 m. tarteko altuera. Erdigunean 3,60x3,30 m.tako zulogune bat, eta 0,20 m.ko sakonerakoa, du. Bertan, Ekialdera, harlosa bat zutik, 0.16x0,35x 0,08 m.takoa, eta 30ºtako norabidekoa azaleratzen da. Bertako hareharriak eta konglomeratuak. Tumulu gainean gerri haundiko pinuak hazi dira.