Tepaloak 9-12 mm luze dira, zuriak; lorezilak korola barruan daude; erraboilaren kanpoko tunika mintzezkoa da edo zuntz gutxi ditu; lore-elkarte laxoa, esferaerdi-itxurakoa.
Nektarioak (2)3-4 mm luze dira, obatu/lantzeolatuak; normalean barruko tepaloak kolpez estutzen dira akumen banatan; gehienetan estiloa hirutan zatituta dago goiko 1/3-1/5 bitarteko zatian.
Loreak luku laxoan daude, gehienetan 5 cm baino luzeagoak dira, goikoak normalean antzuak dira, pedizelo luzea dute eta korinboa osatzen dute, eta emankorrak +- marroiak dira; hostoak 5-20 mm zabal dira, ertzetan latzak.
Loreak luku trinkoan daude, 5 cm baino laburragoak dira, goikoak ez dira pedizelo luzekoak eta ez daude korinboan, emankorrak urdin ilunak dira; hostoak 1.5-5(6) mm zabal dira, ertzetan leunak.