Horrela esaten zaie leku gutxitan bizi diren eta, horrez gainera, ugari ez diren landareei. Zentzunez, kategoria honetan sartuko ditugu ez arruntak eta ez bakanak ez diren landareak.
Herrestadarrik gabeko landarea, erroseta lokabeekin; (3)5-15 cm-ko hostoak, lantza/espatula-itxurakoak, dentikulatuak, ertzean karedun poroak dituztenak; lore-elkartea panikula handia da, zurtoinaren erdia baino gehiago hartzen duena.
Hostoak ia biribilak edo obatuak dira; zurtoinek guruin-ile zutituak dituzte mutur aldean, gutxienez; lore urdin ilunak; loredun zurtoinak 15 cm-tik gorakoak izan ohi dira.
Hostoek txorten luzea dute, 1 cm-tik gorakoa; hostoen orria 4 cm baino zabalagoa da, obatua, bere zabalera halako 2 baino laburragoa, eta punta ez dute oso zorrotza.
Zurtoineko hostoetan, behe aldekoetan behintzat, lakain batzuek bihotz- edo falka-itxurako oinaldea dute, eta muturrekoa giltzurrun-itxurakoa edo erdizirkularra da, (15)20 mm baino zabalagoa; errizoma luzanga da eta 2-6 mm-ko diametroa du.
Loreak 40-55 mm luze dira, arroxak edo purpura-kolorekoak; korolaren hodia zabala eta ezkila-itxurakoa da; hostoek gehienetan ile grisaxkak dituzte azpialdean.