Horrela esaten zaie leku gutxitan bizi diren eta, horrez gainera, ugari ez diren landareei. Zentzunez, kategoria honetan sartuko ditugu ez arruntak eta ez bakanak ez diren landareak.
Hosto txorten estua, orria baino luzeagoa gehienetan; orri erdizirkularra, oinaldean bihotz-itxurakoa edo moztua, bi aldeetan ileak dituena, alde bakoitzean 7 hortz baino gehiago izan ohi dituena; landare sendoa, gehienetan 20 cm-tik gorakoa.
Labeloak hiru gingil luze ditu, erdikoa luzeagoa, muxarradura zorrotzak ditu, eta apaindura erdi-erdian dauka; oinaldeko hostoak obatuak edo obalak dira, landare garatuetan behinik behin.
Hosto 2-3 pinatisektuak, 3-15 cm luze; korolak 6-8 mm luze dira eta ez dute estaminodiorik edo txiki-txikia dute; pedizeloek guruin pedizelodunak dituzte.
Labeloa 13-16 mm luze da, zehar-ebakiduran ganbila, ez oso iluna, eta ertzean hori-berdexka; petalo angeluzuzenak, lauak; espekulua pixkanaka desegiten da lorearen eztarriraino heldu gabe; lore deflexuak.