Mai

Pistacia terebinthus, Betelu

Zuhaixka hostogalkorra; hosto inparipinatuak, erraki hegalgabearekin; hostoxka nahiko bigunak, (2)3-8 x (1)1,5-3,5 cm-koak (9)

Filipendula ulmaria, Bera aldean

Oinaldeko hostoek 2-9 pare hostoxka dituzte, handiak, gehienez 3-10 cm-koak; 2-4 mm-ko petaloak; akenio ilegabeak, kiribilkatuak.

Briza media, Astigarraga aldean

Landare bizikorra; 0,5-1,5 mm-ko ligulak, puntan biribilak edo moztuak; (3)4-10 mm-ko buruxkak, sarritan purpura-kolorekoak

Oenothera glazioviana Endarlatsa aldean

Sepaloak 2,8-6 cm luze dira, zerrenda gorriak dituzte edo gorriak dira osorik, muturreko loreetan behintzat; 3-5(6) cm-ko petaloak; zurtoinak eta obulutegiek ile luzeak dituzte, oinaldean gorriak eta pustuladunak.

Geranium phaeum, Bidasoa aldean

Petalo purpura-beltzezkak, zutituak; merikarpoek goiko aldean 2-4 saihets dituzte.

Coch­le­a­ria aestuaria, Irungo Osinbiribil parkean, errioaren bazterrean.

Oinaldeko hostoek orri obatua edo eliptikoa dute, zabal baino luzeagoa eskuarki, oinaldean falka-itxurakoa, moztua edo bihotz-itxurakoa.

Sisymbrium austriacum chrysanthum, Latasa aldean

Sisymbrium austriacum: fruitu iledunak edo ilegabeak, 6-40(50) mm luze, gehienetan oso okerrak; 3,5-6,5 mm-ko petaloak (inoizka handiagoak); goiko hostoak zatituak edo ia osoak dira. Subsp. chrysanthum: fruituak 6-20(25) mm luze dira, gehienetan iledunak; 5-10 mm-ko pedizeloak; goiko hostoak zatituak dira; landarea behealdean ia ilegabea da, baina goialdean eskuarki ileduna, ile kizkurrekin.

Iris graminea, Irurtzun aldean

Zurtoin oso estuak, hegal banarekin alboetan; gehienetan zurtoinaren goiko hostoak lore-elkartea gainditzen du; kordotxak desberdinak izan ohi dira, kanpokoa hosto-antzekoa eta eskuarki 10 cm baino luzeagoa, eta barrukoa(k) 4-8 cm luze, orbelkara(k) osorik edo zati batean; inoizka kordotx guztiek ia luzera bera dute (10)

Allium moly, Irurtzun aldean

Larre harritsuak eta erlaitzak, batez ere karehaitzetan; 500-1400 m. Lurraldearen erdiko hereneko mendiak: U(B). Med. W: submediterraneoa.

Valeriana pyrenaica, Fagollaga aldean

Beheko hostoak 8-20 cm zabal dira, obatu/biribilak; zurtoinak saihets edo ildo nabariak ditu; landare sendoa, 50 cm baino garaiagoa.