Elkarrikoa

Elkarrikoa eta iparralderago dagoen anaia biki Armaltxuri uren banalerroko mendi peto-petoak ditugu: mendi malkartsuak, pagadi zabalen azpian ezkutatuak. Gainen katearen erdi-erdian izanik, Elkarrikoa-Armaltxuri parea seguruenik inguruko bisita gutxien jasotzen dituztenak dira, bide gehienak nahiko luzeak gertatzen baitzaizkigu, luzeegiak pagadien artean murgilduriko gain ezezagun horietara joateko.
Elkarrikoa izenari buruz, M. Belaskok dio gaztelaniazko "faceria"-ren baliokidea dela, hau da, herri batzuen arteko lur komunak.