Ezkaurre

Enviado por inaxio el 2005, Junio 9 - 22:18.
Altitud 2050 m
Sistema
Ubicación ED50 30T X.676487, Y.4746967
WGS84 42.853049 N, -0.841225 E.
Puntos de partida Belabarze, Izaba, Argibiela.
Cerca IBÓN DE EZKAURRE 1 ekialde trikuharria, IBON DE EZKAURRE tumulua, LOMA DE CHITÓN trikuharria, IBÓN DE EZKAURRE 2 mendebal trikuharria, EZPAINPEA etxola hondoa, EZPAINPEA tumulua, SOLANO DE EZKAURRE trikuharria, Abizondo mendia, EZPAINPEA IPAR tumulua, PASO DE EZKAURRE 2 trikuharria, PASO DE EZKAURRE 1 trikuharria, EZPAINPEA HEGO tumulua, PASO DE EZKAURRE tumulua, PASO DE EZKAURRE 3 trikuharria, ARGIBIELA (Belabarze) tumulua, Ezkaurreko Pasabidea leizea, koba, CUEVA DEL PASO DE EZKAURRE trikuharria, Baines mendia, BAINES 2 harrespila.
Provincia Huesca, Nafarroa.
Categorías EHMK.
images
Ezkaurre
Ezkaurre ©Enezubi

Oso mendi ikusgarria Nafarroako ekialdeko muga-mugan. Alderdirik ikusgarriena ekialdekoa da, sekulako amildegiak baitauzka Veral errekak ebakitako aldean. Veral errekak sortutako arroila bera ere oso ederra da, eta berak hain zuzen bereizten du Ezkaurre Alanoetatik, sekulako hormak utziaz bi aldeetan (Espelunga deritzo aurrez aurre gelditzen den haitzari: "haitzpe ilun" + "aga" alegia). Gainaldea oso ageria da, soila, itzalik gabea eta ondorioz, haizetsua. Haizetik babesteko harriz egindako babeslekuren bat edo beste ikus daitezke tontorraren inguruan.

Hiru tontor dira izen beraren aldaera gisara erabiltzen direnak: Ezkaurre, Ezkaurre Erdikoa (Baines) eta Ezkaurre Txikia, eta horietan bi dira EHMKn berariaz aipatzen direnak: hau bata eta Izaba gainean zutitzen dena bestea.

Igoerarako biderik erabiliena Argibielatik abiatzen dena da, errepidea bertatik pasatzen delako eta Zurizako kanpin-aterpea handik gertu dagoelako, baina igoera zakarra eta nekagarria da eta bidea nahiko deseginda dago hainbesteko ibiliaren poderioz (irristakorra basoan eta birrindutako harri soltea harri eremuan). Uda partean igoera ez da zaila, baina besoak ere erabili beharra dago tarteren batean. Badu halere pasarte bat izoztu eta jende dexente bildurtu duena elur garaian.

Ezkaurre mendia hobeto ezagutu eta neurria hobeto hartzeko ibilbide egokiena Belabarzetik abiatu eta aldameneko Baines menditik bereizten duen bailara ederrean gora (Ezkaurreko pasabideko koba, trikuharriak) etorrita mendia inguratzen duena da. Gero Ezkaurreko iboi txikia ikusi (agortuta egoten da uda partean) eta GR 11ak aukeratutako kanalean gora eginez (ez da igoera erraza, harriari heldu behar zaio tarte askotan) heltzen da tontorrera. Gero Argibielara jaitsi lehen aipatutako bidetik eta GRaren arrastoei jarraituz Belabartzera itzultzeko. Tartean gelditzen da Abizondoko haitzari bisita egiteko aukera.

Igoerarako beste aukera bat bada Oreretako Urdaburu Mendi Taldekoek ederki ezagutzen dutena, Zurizatik Ansora jaisten den errepidearen bazterrean baitaukate euren aterpe ederra, Abauko borda.

Batzuen ustez hegoaldeko ixurialdean dagoen iboia da Pirinioko lehena mendebaldetik hasita, baina bada beste txikiago bat (putzu txiki bat egia esan), Lakoraren tontorretik oso gertu, Belaguako aterpera jaisten den hegian.

Iparmendebaldeko ertza eskalada praktikatzeko leku aproposa da, zailtasun handirik gabea (III eta IV mailako pasarteak).

Imágenes


***

***

***

***

***

***

***

***

***

****

***

***

****

***

***

****

***

***

***

***

***

***

***

***

***

*****

***

***

***

***

**

**

**

**

**

**

***

****

***

Related nodes

Igoera gogorra, baina, paisaia ederra

kaixo mendizaleok.
Aurreko asteazkenean, San Inazio egunean hain zuzen, izan nintzen bertan. Eguraldi beroa aurreikusten zen, sargoria, baina, bertan sentzazioa ipar haizeakin oso ona zen. Igoera Argibiela mendatetik ez dauka misterio handirik, arrasto txuri gorriak segi bide polit bezain gogor batean Abizondoko leporaino, baso eder eta zoragarri batean. Ondoren basoa amaitzen da eta zeru irekian maldarik gogorrena harri artean tontorreraino, baina berezi du bertan ikusten den paisaia. Mendatetik 100 minututan egin daiteke, baina pazientziaz egin denbora osoan igoera gogorra baita.
Ondo izan Aio

Alanora begira

Mendi aproposa Zurizako handiak egiteko alfer bagaude, ez baitigu eskatuko 3 orduko txangoa baino ez. Hori bai, nahiko maldatsua suertatzen da totalera.
Argibielako mendatea abiapuntu, Nafarroa eta Aragoi artean. Errepidean piskatxo bat jeitsi eta gr-11 hartu eskubitara, kairn batez markatua. BIdea berehala sartzen da basoan eta gora joko du. Xenda hau oso gogorra iruditu izan zait beti, baina hasieran denez, ez gara ia konturatuko. Punta Abizondok eta Ezkaurrek markatzen duten tartera iritsiko gara, Espelunga gure atzekaldean dugularik.
Diagonal famatua gure aurrean jada. Elur edo izotz ezean, erraza da. Patxadaz ekin alta. Goiko terrazan gaudela, ezkerretara jotzen du bideak, diagonalean egin dugun norabidea errekuperatuz. Sima izugarriak daude inguruan, harriak bota eta segunduak itxaroteko parekoak. Harritzar pasoak igaro eta kortera hurbiltzea besterik ez. Zilindroa ez dago amildegian bertan, baina bertara hurbiltzea gomendatzen dizuet, han hamaiketakoa hartzeko. Espelunga gure aurrean. Hegoaldera begiratuz desafio moduan planteatzen dizuet Rigloseko paretak topatzea, harrigarria badirudi ere ikusten baitira. Hori bai, hego haize egun batean.

EZKAURRE

ASTE SANTUAN IGO GENUEN LEHEN ALDIZ KRISTONAKO BASO BEREZIA GURUTXATUZ TA PAUSO BAT EMANEZ ARROKADUN PAISAIAREN MUGA ZEHARKATUZ TA GORA EKINEZ BENETAN ONDO SENTITU GINEN GAILURRERA IRIZTERAKOAN.POLITA BENETAN