Aralarko Mendebaldera luzatzen den karaitzezko mendi-adar luze bateko azken tontorra da Leizadi. Adean ditu beste bi gain aipagarri: Agaotz eta Sarastarri, Ekialdean; Mendebaldean bizkarra Ataun aldera jaisten da, haitz mutur ikusgarriak agerian utziaz. Amildegiak ebakitzen du mendia Iparraldetik, eta haren ertzean dago tontorra, pagadiaz inguratua eta buzoi batez markatua. Tontorrera heltzeko biderik errazena Agaotz aldetik datorrena da, Lareoko urtegitik. Aia aldeko Urkillagako lepotik abiatu eta HMko hegian gora datorren GR20 bidea ere egokia da tontorrera urreratzeko; ondo seinaleztatuta dago.
