Beratxa

Tafalla-Larraga errepidearen hegoaldean lerrokatzen diren gainen erdialdean Beratxa gaina dugu. Muino leunen ingurunea da, pinudiak eta soroak tartekatzen diren paisaia batean. Mendiko gailurrean Beratxa dorrea dago, XIX. mendean Iruñea, Tafalla eta Lizarra artean eraikitako dorre sistema baten azken arrastoetako bat. Karlisten gerren testuinguruan, liberalen armadak telegrafo optiko bat antolatu zuen, armadaren komunikazioak azkartzeko. Sistemak ez omen zuen luze iraun, eta Beratxa bezalako eraikinak ahazturik gelditu ziren mendi eta gainetan. Orain dorrea berrikuntza lanetan dago, airtzakia ona mendixka hauek bisitatzeko.