Arano gaina
Enviado por zuriain el 2021, Marzo 1 - 13:45.
|
|
  |
Arano gaina ©zuriain
Erremendia mendatetik iparralderantz luzatzen den mendikatetxoa Urroa eta Ilungaztelu gainetan goratu ostean, iparralderantz jarraitzen du, bidean hainbat gain intesegari uzten: Akerraldea, Maule (non seguruenik kastro baten hondakinak baitaude), Bagoandia, eta azkenean, Arano gaina, Zatoia errekara amildu aurretik. Gain hauek gehienak basoak estalita daude, baina Arano erabat soila da, eta bertatik paisaia zabal bezain ederra miretsiko dugu.
- Inicie sesión para enviar comentarios
Pirineotako balkoia
Kaixo mendizaleok.
Mendi honetara iristeko, Zatoiako atseden lekutik abiatzen den pista hartu behar da eta 2 km inguru ibili ondoren, eskubira gorantza beste pista bat abiatzen da. Honetan ordu laurden ibili ondoren eta pistak ezkerrerako bihurgune batean beherantza egiten duenean, orduan eskubira jo bidetxur antzeko batetik eta gutxira txarrantxadun hesi batekin topo egingo duzue. Berau pasa eta Arano mendiko zelaietan sartuko zarete, orain malda txikia igo gainalderaino iarreko norantzan. Bertatik ikusmira alde guztietara zoragarria da.
Ongi izan.