Iñari

Puntabarrena eta Calveira artean hainbat gain topatuko ditugu, baina Iñari da dudarik gabe ederrena. Inguruko gainak ez bezala, harria topatuko dugu tontorrean, eta horrek itxura berezia ematen dio erliebe leuneko mendialde honetan. Iparraldean Urralegi sakan oihantsua, hegoaldean Gardeko errepidea, zonalde honetan ez genuke mendizale askorik topatuko, Zuberoako ermita han ez balego. Inguru ederrean kokatua, eta paisaia zabalak ikusgai, aitzakia da mendiok bisitatzeko. Pista handi batek darama haraino, baina bide markatu ederrak ere badira oinez igotzeko. Bidean, hainbat borda topatuko ditugu, iragan ez hain urrun baten lekuko.