Mirutegi

Ballo mendiaren bigarren mailako tontorra dela esan genezake, izan ere harengandik gertu dago eta haren iparraldeko bizkarrean behera jaitsiz helduko gara Mirutegira, metro gutxi batzuk bakarrik igota azken txanpan.

Baina Agurain aldeko lautadatik begiratuz gero oso bestelako itxura erakusten du: inguruko gain harroena ematen du eta nabarmen gailentzen da lautadaren gainean. Burdinazko gurutze handi batek seinalatzen du Mirutegi, Ballo erpin geodesikoarekin konformatzen den bitartean, atzerago, bigarren maila batean, lautadatik begiratuta beti ere.

Atauko mendateatik gora datorren Durrumako bidea da biderik nabarmenena eta irispiderik azkarrena seguraski, lautadatik abiatzekotan. Legaire aldeko larreetatik abiatuz gero bidea errazagoa da, malda handirik gabekoa, larre leunetan barrena. Surbe nahiz Ballo oso gertu gelditzen dira, ibilbidea osatu nahi izanez gero, eta historiaurreko hainbat aztarna ere bai, Legaire aldetik etorriz gero.