Lizarrausti-Puttarri
| Tipo de itinerario | Itzulia, jaitsiera beste bide batetik |
|---|---|
| Dificultad | Zailtasun gutxikoa |
| Lurraldea | Ataun, Ergoiena, Etxarri Aranatz |
| ABIAPUNTUA | Lizarraustiko parketxea |
| Esquema | Lizarrausti-PUTTARRI (1299m)-Hirupagoeta-Alleko-Lizarrausti |
| Relacionados | »Puttarri (mendi) |
| Gora-behera | 800 m |
|---|---|
| Luzera | 12 Km |
| Iraupena | 3:00 - 4:00 |
Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz
(2019-10-13) Arratsalde pasako mendi ibilaldia.
3 ordu eta erdiko iraupena (15:30-19:00)
Ibilaldia Lizarraustiko Parketxean abiatzen da, hasieran Etxarri-Aranatzera daraman errepidea jarraituko dugu kilometro batez eta hemen ezkerrera gelditzen zaigun pista hartuko dugu. Pista zabala da eta zuzen ekingo diogu basoan gora, bideak ez du zailtasunik malda bera ezik, ordubeteko ibilaldiaren ondoren 1000 metroko garaierara iritsiko gara eta bigarren zatiari ekingo diogu, Puttarri (1299m) tontorra, honek tarte apur bat maldatsuagoak ere baditu baina ondo igo daiteke.
Behin tontorra zapalduta hurbil dagoen Hirupagoeta (1235m) tontorrera joko dugu, ordu pare bateko ibilaldia osatuz. Gainalde honetan pagadi ikusgarriaz gozatzeko aukera ere izango dugu.
Ondoren beherako bidea hartuko dugu, hau GR-12 EH mendi ibilbideak jarraitzen duen bidezidorretik egingo dugu, zuzen jeitsiko gara Alleko mendiaren lepora iritsi arte eta hemen tontorra hegoaldetik inguratuz Lizarraustira jeisten den sendatik behera egingo dugu Parketxera arteko bidea.
- Inicie sesión para enviar comentarios
