Rutas: Itzulia, jaitsiera beste bide batetik

(2018-04-22) Egun osoko mendi ibilaldia Urola ibaiaren iturburuko mendizerran.

Ibilbidea Brinkolako trenbidean abiatzen da eta Oazurtzako mendirako bidea jarraitzen dugu igoera lasaian, hemendik Andraitzerako bidea hartzen dugu Mearreko Pasabidetik. Tarte honetan igoera gogorragoa da baina baita gozagarriagoa ere pagadi baso eta harkaiztegi ondotik.

Behin Andraitzeko tontorra zapalduta, Artzanburu arteko mendizerrako tontor txikiago guztiak zapaltzen joango gara, Aizkolandi, Zulagaizto, etab.

Artzanburu aldera iritsita, atseden bat hartu eta zerbait jateko unea da.

(2020-08-14) Egun pasako mendi ibilaldia Euskal Pirineo inguruan.
3 orduko igoera + atsedenaldia + 2 orduko jeitsiera.

(2020-10-08)
Arratsalde pasako mendi ibilaldia Bizkaiko kostaldeko mendietan.
3 ordu eta 45 min.-ko iraupena.

MARKINA

Ibilbidea Arditurriko meatzealdeko Interpretazio Zentroan abiatzen da.
Hemen zentroa pasatakoan eskuinera hartu behar da, eskultura handi bat dagoen alderako pistatik eta bertara iristean, pista hau utzi eta ezkerretara aurkituko dugun bidezidor estu bati jarraituko diogu gorantz. 330 metroko garaierara iristean bidegurutze bat aurkituko dugu, eskuinera (mendebaldera) hartu behar da, hemen zeharbide bat egingo dugu desnibelik gabe errekasto pare bat edo hiru igaroz 600 metroko luzeran.

Garaioa herritik abiatzen den SL-NA-55 bidezidorra jarraituz heltzen da arrastoa Zamairaingo begiratokira. Bide nabarmena da, jende asko ibiltzen dena. Begiratokitik gora mendi bizkarrari jarraitzea aski da tontorrera heltzeko, baina arrasto honek bizkarra inguratu egiten du tarte batean pagadia aprobetxatuz iradia saihesteko. Handik aurrera bidea nabarmena da.

Nahi izanez gero autoz igo daiteke porlanezko bidea aprobetxatuz Urrunagako leporaino, baina SL bidea ere polita da, Garaioa bertatik abiatu nahi izanez gero.

(2019-08-16) Egun pasako mendi ibilaldia Euskal Pirineotan.
5 orduko igoera + 1 orduko atsedena + 3 orduko jeitsiera. 1630 metroko igoera desnibela.

Ibilbidea Lojibar auzoan abiatzen da, bertan ostatua eta aparkalekua dago autoa uzteko.
Hemendik Holtzarteko Zubira doan erreka ondotiko senda jarraituko dugu. Ibilbide labur honetan jende asko ibiltzen da, arrroila gaineko zubia ikusten.