Rutas: Nafarroa

Ibilbide zirkularra mendizaleen bisita gutxi jasotzen dituen mendi honetara. Benetako gailurretik paisaia handirik ikusiko ez badugu ere, talaia txiki bat dago metro batzuetara, bigarren gailur gisa har daitekeena -metro bakarreko aldea dago bien artean- bertatik Esteribarko paisaiak mirestuko ditugu. Jaitsiera ezpel arteko bideska batean zehar eginen dugu, arreta eskatuko duena bidea ez galtzeko.

Aralarko hego-mendebaldeko mendi ezezagun hau igotzeko ibilbide zirkularra. Zubateko gurutzea eta Artabakarko trikuharria bisitatuko ditugu Serlo Gaineko talaiara iritsi aurretik. Igoera gehiena bidean zehar eginen badugu ere, jaitsierako zenbait zatitan, batez ere mapan Elizarri eta Arañaburu bezala seinalaturik dauden mendi hegian, bidetik kanpo eta landaretza deserosoak harturiko basoan barrena eginen dugu. Ohi bezala, etorritako bidetik itzultzeko aukera dago. Bestalde, autoa pistan barrena sar genezake edo errepide ertzean utzi.

Aralarko hego-mendebaldeko inguru gutxi bistataturiko gain interesgarri hauek igotzeko ibilbidea. Lizarrustiko mendateko 22 eta 23. kilometroan hasten den pistan hasiko dugu ibilbidea. Bidez kanpo eta harritza deserosoetan barrena ibiliko gara batzuetan, batez ere bi gainen azken metroak egiteko. Mendian ibiltzeko ohitura eta orientazio tresnak ezinbestekoak.

Amiñagain mendia igotzeko ibilbide zirkularra. Pikulingo gain txikia ere igoko dugu, bertatik ikuspegi zabalago bat edukitzeko. Pikulin menditik Amiñagaingo gailurrerainoko bidea basoan zehar eginen dugu, pinudian gora, eta batzuetan biderik gabe edo bidexka erdi galduetan zehar. Bide egokiago bat iparraldeko lepoan abiatzen da (hauxe da mendiaren gainaldean aurkituko duguna) edo, besterik gabe, hemen jaisteko erabili zen bidea erabil genezake. Zabaldikara iritsi baino lehenxeago dagoen atsedenlekutik utz dezakegu autoa.

Aspurz-Aspurgi herriko saihesbidearen hasieran zubi bat igaroko dugu. Berehala, ezkerraldera aparkatzeko zabalune bat ikusiko dugu, ibilbidearen adierazgarriarekin. Markak jarraituz, Zaraitzu ibaiaren albotik ibiliko gara, harritza zeharkatzen duen bidexka batetik. Laster Egurzanos gaineko zubitxoa igaroko dugu. Bertatik, Idokorrira igotzeko bidea har genezake. Arroileko bideak iparralderantz jotzen du, ezpel eta meditarranear landaretza sarri bate artean, betiera Egurzanos ibaitxoaren ondoan. Arroila estutzen den gunera iritsita, ibaia zeharkatu beharko dugu.

Santa Ageda eta Errezlanda mendiak Ibiltzietatik. Ibilbide gehiana bide egokietan barrena eginen dugu. Santa Ageda mendira igotzeko, kairn batez markaturiko bidea jarraituko dugu, baselizaren hondakinetara eramanen gaituena. Errezlandako gailurrean kontuz ibiliko gara: zorrotza da oso eta erortzeko arriskua handia da. Ez da batere gomendagarria izotza edo eguraldi bustiarekin.

Untzue Harri ospetsua igotzeko ibilbide klasikoa. Azken kaskoa igotzeko tximinia txiki bat igo behar da, erraza baina ohiturarik ez dutenak zailtasunetan jartzeko modukoa. Kontuz beraz eguraldi kaskarreko egunetan.

Nafarroen arteko talaia eder hau igotzeko ibilbidea. Zenbaitetan bidetik kanpo ibiliko garenez, kontuz ibiliko gara batez ere eguraldi kaskarrarekin.