Rutas: Nafarroa

Karbatoki eta Potxa mendiak Etxague herritik. Ibilbide gehiena haizerroten pistetatik egiten da. Potxa mendia igotzeko zati deseroso batean gora eskalatu behar da, arriskurik gabe, baina nolabaiteko ohitura eskatzen du.

Ibilbide honek ez du zailtasun handirik, baina ez da komenigarria lainoa edo eguraldi kaskarreko egunetan. Halaber, komeni da erantsitako mapa erabiltzea azalpenak hobeki ulertzeko.

Aiako Harria inguratzen duen PR-Gi-20 ibilbidea da, Elurretxetik Aritxulegirako joan-etorria eginez mendiaren ixurialde guztiak zeharkatzen dituena. Abiatzeko aukera bat baino gehiago dago: Elurretxe, Aritxulegi nahiz errepidea ikutzen duen beste edozein lekutik abiatu daiteke. Ez da ibilbide zaila, baina ez da haurrekin egitekoa ere, tarte batzutan zakarra delako eta tarte luze batean ubide baten bazterretik doalako. Orain (2009ko azaroa) ubidea berritu eta estaltzeko lanetan ari dira eta pasabidea debekatzen duen txartel bat dago jarrita, Lesaka aldeko errepidea ikutzen duen lekuan.

Bedaioko inguruak ederrak ezagutzeko egiten den mendi martxa. Bedaio herritik abiatu eta Larrondotik pasaz, Zabalegira igo eta handik Artubira igotzen da. Bedaioko mendi garaiena (1.244m). Berriro Larrondora jaisten da eta Urdilleko leporantz jarraitu behar da. Hona iritsiz gero, Azkarate herrira jaitsi behar da.

Azkaratetik, Zaratera igoko gara eta hemendik Aniko goi aldetik igaroz, Jazku baserri inguruan beherantz hartu behar da, Eskoletxeraino ailegatuz. Honen inguruan estradatik barrena Bedaiora igo behar da.

Aralarreko (Euskal Herria) Malloetako tontorrak bisitatzeko aukera ematen duen ibilbidea. Bi kotxe behar dira. Bat Azkaraten uzteko eta bestea Baraibartik ibilbidea hasteko.

Paraje paregabeak, bikainak eta ederrak ikusteko aukera, besteak betste Uarrain, Ttutturre, Mendihaundi, Hirumugarrieta, Aldaon, Beoin, Uakorri, Artubi eta Balerdi mendi tontorrak, Alaitz bailara eta Aralar osoko bista ikusgarriak.

Aipatzekoa Balerdira igarotzeko dagoen mendi gandorra; arretarekin pasa beharreko bidea.

Zuriainek aipatutako ibilbidearen osagarria da, jaitsierarako beste bide bat erabiliaz. Cerradako mendatera itzultzean, gurutzedun tontor bat (Fallar) ikusiko duzue Mendebaldean, oso urrutira gabe. Hara heltzeko aurreko larre eremuan nabarmentzen diren haitzen artetik abiatzen den xenda bihurri bat jarraitu behar da. Arrastoa arina da tarte batzuetan, baina harripilak eta pintura markak arretaz jarraituz gero (2009ko iraila), ez zarete galduko. Halako batean harriz inguratutako lepo batera helduko zarete: ezker aldean dago tontorra.

San Faustoko harriak igotzeko bide ederra. Lazkua eta Bagargiako harriak bisitatuko digutu, baita Lazkuako behatokia ere, non fosil ugari ikusteko aukera izanen baitugu.

Nafarroako ekialdeko mendi ezezagun honetara igotzeko ibilbide laburra.

Saiarri mendia eta inguruko monumentu megalitikoak ezagutzeko ibilbide zirkularra. Batzuetan bidetik kanpo ibiko gara, eta arreta berezia jarriko dugu laino egunetan.

Burruxulain eta Errasa mendiak Aietxutik. Aritzgaña eta Borrotxulo ere igo daitezke erraz. Errasako azken metroak nahiko deserosoak dira: lapiaz eta ezpel ugari.